SPAK i drejtohet sërish Lefter Allës, ja çfarë i kërkon urgjent kryebashkiakut

Ditën e sotme Prokuroria speciale e Antikorrupsionit e njohur ndryshe dhe si SPAK, ka kërkuar që kryebashkiaku i Bulqizës Lefter Alla ti nënshtrohet testit të drogës.

Ky vendim është marrë pas publikimit të një videoje nga gazetari Hoxha, për të cilën u tha se shfaqej vetë Lefter Alla duke konsumuar kokainë në ambientet e një lokali.

Vetëm një ditë pas dëshmisë të dhënë në prokurori nga kryebashkiaku, SPAK kërkon që Alla të dorëzojë kampion gjaku dhe urine.

Mësohet se video është dërguar gjithashtu edhe për ekspertim grafik në polici.

Nga ana tjetër Lefter Alla ka mohuar akuzat duke thënë se e gjitha është montazh dhe sajesë e Partisë Demokratike, madje është shprehur se ka paditur ish-deputetin demokrat Ervin Salianji.

Tashmë e gjithë çështja është marrë në dorë nga SPAK, e cila ka nisur hetimet duke verifikuar provat e nevojshme dhe faktet, për të marrë më pas një vendim, në favor ose jot ë kryebashkiakut.