LIGJET E BIZNESIT
Një rast i paprecedent raportohet nga komisariati i Elbasanit. Prej më shumë se 2 vitesh, në zyrën e shefit të rendit të këtij komisariati, qëndronin 9 armë pa leje, të cilat nuk ishin pajisur me procesverbalin përkatës dhe se origjina e tyre nuk dihej.
Sipas informacioneve, mësohet se armët ishin automatike, model 56. Ndonëse ishin në zyrën e shefit të rendit prej kohës këto armë nuk ishin pajisur me dokumentacionin
siç e parashikon ligji për sendet e sekuestruara nga policia dhe nuk u ishte bërë ekspertizë për të kuptuar nëse ishin përdorur në ngjarje kriminale apo jo.
Për këto armë, ishin vënë në dijeni dhe drejtuesit e komisariatit, por nuk ishte marrë asnjë masë. Para pak kohësh, shef rendi në Komisariatin e Elbasanit u emërua Faik Ruko, i cili sapo konstatoi mungesën e dokumentacionit për armët, kërkoi sqarime nga shefi që zëvendësoi Abedin Halilaj, i cili po ashtu nuk kishte dokumentacion për rastin.
Për ngjarjen është vënë në dijeni edhe shërbimi për çështjet e brendshme dhe ankesat dhe është çelur një hetim I cili pritet të hedhe dritë mbi ngjarjen.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
