LIGJET E BIZNESIT
Një shpërthim i fuqishëm me eksploziv, ka ndodhur dje në mbrëmje në fshatin Zhur të Prizrenit.
Ngjarja e rëndë u shënua gjatë një aksioni të policisë në banesën e Iran Badallit.
Sipas informacioneve të policisë, si pasojë e shpërthimit ka humbur jetën efektivi i policisë Sami Thaçi dhe janë plagosur dy efektivë të tjerë dhe fëmijë 12- vjeçar.
Kështu mësohet se është arrestuar Iran Badalli, për shkak se dyshohet të jetë personi që kreu shpërthimin me eksploziv.
Kjo ndodhi pasi policia shkoi në shtëpinë e tij pas një telefonate për dhunë në familje dhe lëndë narkotike.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Lajmi është konfirmuar edhe nga zëdhënësi i policisë së Kosovës për rajonin e Prizrenit Shaban Osmanollaj.
“Mund të konfirmojmë se sot 28.01.2020 në orët e mbrëmjes gjatë një operacioni policor në fshatin Zhur të Prizrenit, dyshohet se ka ndodhur një shpërthim ku si pasojë e këtij shpërthimi ende të pa identifikuar kanë pësuar lëndime tre zyrtarë policorë dhe një qytetar. Si pasojë e plagëve të pësuara dyshohet se njëri nga zyrtarët policor të ketë ndërruar jetë’, ka bërë me dije ai.
