Seanca për lobimin rus/ Basha nuk shkon në gjykatë, ja kush janë 2 të besuarit e tij që do ta përfaqësojnë

Kryetari i Partisë Demokratike Lulzim Basha, ka vendosur që të mos paraqitet në seancën gjyqësore që po mbahet tani.

Në seancën që po zhvillohet në Gjykatën e Tiranës në lidhje me dosjen e lobimit rus, janë parë vetëm avokatët e tij.

Eduart Halimi dhe Ivi Kaso, janë përfaqësuesit ligjorë të Bashës, Arben Ristanit dhe Ilir Dervishit.

Lulzim Basha u thirr i pandehur në gjykatën e Tiranës në lidhje me dosjen e 675 mijë dollarëve lobim në SHBA, në prag të zgjedhjeve parlamentare të vitit 2017.

Basha, Arben Ristani dhe Ilir  Dervishi akuzohen për “Falsifikim të dokumenteve dhe formularëve”, pasi nuk kanë bërë deklarimin e shumës në pasqyrat financiare të Partisë Demokratike pranë Komisionit Qendror të Zgjedhjeve.

Ndërsa hetimet për “Pastrim të produkteve të veprës penale” u pushuan.