LIGJET E BIZNESIT
Ish-kryeministri Berisha duke iu referuar një lajmi, për rrjedhjen e gazit në një nga shkollat e qytetit të Libohovës, ka denoncuar fshehjen e këtij lajmi nga drejtoria e Arsimit në Gjirokastër. “Fshihet rrjedhja e rrezikshme gazit ne shkolle’! Lexoni denoncimin dhe degjoni deshmite e nxenesve! sb“-shkruan Berisha.
Në shkollën 9-vjeçare “Avni Rustemi” në Libohovë, gjithçka mund të ishte kthyer në tragjedi, por fatmirësisht të gjithë fëmijët janë mirë. Sistemi ngrohës në shkollë, kaldaja me gaz, ka pësuar një defekt, ku për pasojë gazi është përhapur në të gjithë shkollën. Fëmijët kanë dalë jashtë, dhe janë vendosur në palestrën që ndodhet përbri shkollës, dhe vetëm pas dy orëve i janë rikthyer sërish mësimit.
Ajo që është e çuditshme në këtë situatë, është fakti se asnjë nga institucionet nuk kanë reaguar, ndërkohë që nuk dihet se me çfarë garancie janë rikthyer në mësim fëmijët, kur mund të kishte rrezik për shëndetin e tyre nga përhapja e gazit.
Ndonëse ngjarja ka ndodhur dy ditë më parë sot nxënësit e shkollës i kanë zhvilluar orët mësimore me xhupa ndonëse kaldaja funksiononte. Vetë ata rrëfejnë momentet tragjike. “Kishte erë gazi dhe ne dolëm përjashta, u trembëm pak. Nuk ngrohemi tani, ngroheshim me kaldaja po ato u prishën. Është pak e vështirë të bësh mësim”
“Ditën e djeshme kur erdhën në shkollë mbante pak era gaz, dolëm jashtë dhe më vonë u futëm prapë në shkollë për të bërë mësim. Tani nuk ngrohemi me asgjë momentalisht. Kaldajat kanë funksionuar këtë vit. Mbante shumë erë gaz dhe dolëm jashtë deri nga ora 10:00. U trembëm pak. Tani në shkollë nuk ngrohemi me asgjë. Është ftohtë, nuk i kemi hequr xhupat”-kanë qenë deklaratat e nxënësve dhënë për Jugunews.net
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ngrohja me kaldajë ishte pjesë e investimit të Bashkisë së Libohovës për rikonstruksionin e shkollës në vlerën 600 miilionë lekë. Ndërkohë të interesuar për të marrë edhe një reagim të kryetares së bashkisë, Luiza Mandi, Jugunews.net nuk e gjeti atë në zyrë për të tretën ditë radhazi.
