Ai është një nga emrat më të njohur të personave që qëndrojnë pas hekurave në drejtësinë shqiptare.
Bëhet fjalë për Dritan Dajtin, i cili ndodhet në burg pasi akuzohet për vrasjen e 4 efektivëve të policisë gjatë një aksioni për arrestimin e tij në gusht të vitit 2009.
Së fundmi Dritan Dajti është shfaqur sërish, pasi ka shkuar te dentisti për të rregulluar dhëmbët në zonën e Ish-Bllokut në Tiranë.
Ashtu siç shihet dhe në video, Dajti shoqërohet nga policët nën masa të rrepta sigurie.
Gjithashtu edhe zona përreth është e blinduar nga furgonët e policisë dhe efektivët.
Kujtojmë efektivët e policisë që u vranë nga Dritan Dajti janë: Altin Dizdari, Fatos Xhani, Kastriot Feskaj, dhe Sajmir Duçkollari.
Ata u ekzekutuan nga Dajti, gjatë një aksioni për kapjen e këtij të fundit, i cili ishte në kërkim për vrasjen e biznesmenit Agim Beqo.
Dajtit iu hoq akuza për burgim të përjetshëm dhe u dënua me 25 vite burg për vrasjen 4 policëve.
