Qytetarët në alarm për virusin e gripit, rritet fluksi nëpër spitale

Përhapja e virusit të gripit në vend si dhe publikimi i tij në media, ka shkaktuar panic te qytetarët. Këta të fundit mësohet si u janë drejtuar për në spital.

Ndërkaq, ka patur një rritje të pacientëve në disa spitale në vend, si dhe në shërbimin e pediatrisë në Tiranë. Gjithashtu mësohet se në spitale nuk janë drejtuar vetëm persona të cilët janë prekur nga gripi por edhe për kontrolle paraprake të cilat u paraprijnë një virusi gripi.

Edhe pse karritje të numrit të vizitave në spitale, bëhet e ditur se pjesa më e madhe e tyre mjekimin e marrin nga shtëpia, pasi gjendja e tyre nuk ka qenë serioze.

Disa prej rasteve kanë qenë të paraprekura nga gripi, por paniku dhe frika se mos prekeshin nga virusi u janë drejtuar spitaleve. Ditën e djeshme drejtoresha e ISHP Silva Bino në një prononcim për media ka deklaruar u ka bërë apel qytetarë të mos alarmohen pasi aktualisht nuk kemi të bëjmë me gjendje epidemike, dhe se rastet e gripit janë normale për stinën prandaj qytetarët nuk duhet të jenë në panik por thjesht të marrin masa parandaluese.

Qytetarëve u rekomandohet që në rast shqetësimesh të drejtohen tek mjekët e lagjes e jo direkt në spital, për të shmangur kështu edhe fluksin e krijuar në këto ditë.