Lajmi i bujshëm se Meghan Markle dhe Princ Harry kanë vendosur për t’u larguar nga Anglia dhe detyrat mbretërore shkaktuan një zhurmë të madhe në mediat e huaja.
Princ Harry flet për herë të parë, duke treguar të vërtetën për të shuar gjithë ‘thashethemet’ dhe komentet e ndryshme nga publiku.
Sipas tij ishte ndjerë në presion për një kohë të gjatë dhe tashmë kërkon një jetë më të qetë.
“Mbretëria e Bashkuar është vendi im dhe e dua, kjo nuk do ndryshojë”, u shpreh ai duke shtuar se ka gjetur dashurinë dhe lumturinë tek Meghan.
“Vendimi që mora për veten dhe bashkëshorten time nuk ishte i lehtë. E mora vendimin pas shumë muajsh diskutim, pas shumë vitesh sfidë. Dhe e di që jo çdo herë ia kam dalë, por sa më shumë që kjo vazhdon, nuk kam zgjidhje tjetër”, tha Harry. “Do kem gjithmonë respektin maksimal për gjyshen time dhe i jam mirënjohës asaj dhe familjes sime për mbështetjen që i kanë dhënë Meghan muajve të fundit”, e mbylli fjalën Harry.
