Përfundojnë kërkimet në Turqi, 35 të vdekur nga tërmeti tragjik

Ka përfunduar operacioni i kërkim-shpëtimit në Turqi. Ekipet i kanë dhënë fund operacionit të tyre në qytetet e prekura nga tërmeti shkatërrues që goditi vendin 3 netë më parë.

Duke iu referuar raportimeve të mediave turke, mësohet se bilanci përfundimtar i viktimave është 35.

Mediat në vend bëjnë me dije se ekipet e kërkim-shpëtimit punuan gjatë gjithë natës duke shpëtuar 45 persona që kishin ngecur nën rrënoja. Tërmeti me magnitudë 6.8 goditi goditi tre zona në provincën Elazig dhe Malatya, dhe sipas të dhënave zyrtare rreth 1.600 persona rezultojnë të plagosur. Tërmeti i fuqishëm u shoqërua me 700 pas-goditje, disa prej tyre me magnitudë 4.