“Për pak më vranë” kush është personi që i bënë atentat te Uji i Ftohtë, si e lajmëroi bashkëshorten pas ngjarjes

Mesditën e sotme Vlora u trondit si pasojë e disa të shtënave me armë zjarri në zonën e “Ujit të Ftohtë”.

Policia njoftoi se autori kishte qëlluar me armë zjarri në ajër dhe më pas ishte larguar nga vendngjarja.

Por sipas Faxweb, nuk bëhet fjalë vetëm për kaq, pasi një person ka humbur kontaktet me familjarët pas të shtënave.

Mësohet se pronari i një makine Porche, që është parë në vendngjarje me dyer të hapura dhe që dyshohet se është shtetasi E.V ka marrë në telefon bashkëshorten e tij duke u shprehur : “Për pak më vranë”.

Menjëherë pas kësaj telefonate ai ka humbur të gjitha gjurmët.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ende nuk dihet nëse ai ka marrë plagë apo jo, por raportohet se ai nuk ka më kontakte me familjen dhe nuk ka informacione për vendndodhjen e tij.

NJOFTIMI ZYRTAR I POLICISE

Rreth orës 11:40, ka ardhur një telefonatë se një person dyshohet të ketë qëlluar me armë zjarri në ajër, në lagjen “10 Korriku” Vlorë.

Janë ngritur grupe të posaçme për kontrollin e territorit dhe po punohet për kapjen e autorit.

Bëjmë me dije se nuk ka asnjë person të dëmtuar.

Grupi hetimor po punon për sqarimin dhe zbardhjen e rrethanave të ngjarjes.