“Paskam qenë me fat që u rrita nga ti” Deputetja shqiptare në zi, humb nënën: Do të kujtoj si bekimin më të madh

Zi në familjen e deputetes së opozitës së re dalë nga listat e LSI Elda Hoti.

Mësohet se ajo ka humbur nënën e saj.

Lajmin e hidhur e ka dhënë vetë deputetja me anë të një njoftimi, ku fjalët prekëse për nënën e saj kanë rrënqethur të gjithë lexuesit.

“Pse m’do fort, se je nana ime. Pse t’du fort, se jam vajza jote. Këtë ma mësove që të vogël dhe e thonim bashkë gjithmonë. Do të kujtoj gjithmonë, si bekimin me të madh në jetën time. Dashuria që më dhurove, duart e tua që më rritën dhe përkedhelën, më bënë kjo që jam sot. Paskëm qënë me fat, që u rrita nga një nënë fisnike si ti.

Paskëm qënë me fat, që isha e preferuara jote dhe e babës. Paskëm qënë me fat që Zoti më dhuroj një nënë si ti, që ma mbushi shpirtin plot dashuri dhe mirësi. Prehu në paqe e bukura ime, e mira ime, e shtrenjta ime. Do më mungosh gjithë jetën nana ime!” shkruan Elda Hoti teksa poston dhe foton krahas nënës.