Një vrasje mafioze tronditi sot qytetin e Rrëshenit, ku u ekzekutua me snajper me një plumb në zemër në një lokal biznesmeni Kastriot Reçi, ish-pronar i televizionit “Media Plus”.
Policia ka nisur marrjen në pyetje të personave të afërt me viktimën, konkretisht edhe bashkëshorten e tij për të mësuar nëse i ndjeri kishte më herët ndonjë kërcënim ose konflikt që mund të ketë sjellë ngjarjen e rëndë.
Gjithashtu edhe dëshmitarë të tjerë janë marrë në pyetje për të zbardhur lëvizjet e biznesmenit përpara krimit që i mori jetën.
Po kështu burime nga grupi hetimor bënë me dije për “BalkanËeb” se para se të vritej ai kishte lënë takim me një zonjë për çështje pune. Nuk dihet kush ishte personi në fjalë por policia po heton të gjitha lëvizjet e tij për të arritur tek identifikimi i autorit të vrasjes.
Reci ishte një emër i njohur në zonë për shkak të aktivitetit të tij si biznesmen.
Dyshohet se ekzekutimi i tij është bërë në vijim të një historie bandash dhe larje hesapesh, të cilët kanë vepruar për hakmarrje.
Në vitin 2017, viktimës i kanë vrarë dhe vëllain Gaspër Reçi në Itali.
