“Më erdhe në zyrë e më the dua të bëhem kryetar partie” Kujtim Gjuzi përplaset keq me Nard Ndokën

Mbrëmjen e djeshme një përplasje në studio ka ndodhur midis deputetit Kujtim Gjuzi dhe ish-ministrit Nard Ndoka.

Të ftuar në programin “360 gradë”, Gjuzi për një moment deklaroi se Nard Ndoka i ka shkuar në zyrë dhe i ka thënë që donte të bëhej kryetar i Partisë Demokristiane.

Por edhe kundërpërgjigja e Ndokës ka qenë e menjëhershme duke i kujtuar Gjuzit se asokohe ai nuk kishte zyra.

DEBATI NE STUDIO

Kujtim Gjuzi: Nard po ta kujtoj në Tiranë 7888 vota Kujtim Gjuzi në krye të demokristianëve, 3 anëtarë të këshillit bashkiak. A janë votat e mia  këto? Sa ke anëtarë të këshillit bashkia sot ti? Zero i ke ti

Nard Ndoka: Ke qenë me Partinë Demokristiane

Kujtim Gjuzi: Kam qenë dhe e kam për nder që kam pranë teje dhe në zyrat e mija ke thënë dua të bëhem kryetar dhe të kam thënë të takon me shumë se cdo kush tjetër.

Nard Ndoka: Ku ke pas zyra ti?

Kujtim Gjuzi: E di ti, në katë të dytë kur ke ardhur. Pastaj ke kopjuar portretin e Gjergj Kastriotit për të bërë Lidhjen e Lezhës.