Me Cakajn që nuk i ndahet/ Rama nis detyrën në krye të OSBE, ja shteti i parë që viziton (VIDEO)

Dita e sotme shënon një rrugëtim të ri për kryeministrin Edi Rama.

Ai do të nisë zyrtarisht rrugëtimin në krye të presidencës së OSBE-së.

Kreu i qeverisë ndodhet sot në Ukrainë, ku do të takohet në Kiev me Presidentin Volodymyr  Zelensky, kryeministrin Honcharuk, ministrin e Jashtëm Prystaiko dhe kryetarin e Parlamentit Dmytro Razumkov.

Menjëherë pas këtyre takimeve ai do të dalë në konferencë shtypi me ministrin e Jashtëm të Ukrainës.

OSBE ka bërë një postim në të cilin theksohet se këto bisedime do të përqëndrohen në forcimin e bashkëpunimit midis OSBE-së dhe Ukrainës, në punën e Misionit të posaçëm të monitorimit të OSBE-së (SMM) në Ukrainë, dhe në përpjekjet për një zgjidhje paqësore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndër të tjera ai do të takohet me stafin e SMM, Koordinatorin e Projektit në Ukrainë, dhe Përfaqësuesin e tij Special në Ukrainë dhe në Grupin e Kontaktit Trilateral.

Gjithashtu mësohet se nesër Edi Rama do të vizitojë Ukrainën Lindore për të parë nga afër zonën e prekur nga konflikti.