LIGJET E BIZNESIT
Pak ditë pasi ktheu ligjin anti-shpifje në Kuvend, presidenti Ilir Meta ka renditur sot arsyet që e shpjegojnë këtë veprim.
Në reagimin e tij, Meta ka dhe një mesazh indirect për kryeministrin Rama ku shprehet se është koha për të reflektuar dhe për të mos ecur me kokërfortësi në rrugën e censurës dhe autoritarizmit.
REAGIMI I PLOTE I PRESIDENTIT META
Të dashur qytetarë,
Liria e shprehjes, liria e medias dhe e drejta e informimit, përveç se janë të drejta themelore kushtetuese, janë të lidhura ngushtë me parimin e ndërtimit dhe funksionimit të një shteti demokratik.
Shqipëria dy vitet e fundit ka një përkeqësim të këtyre treguesve, sipas konkluzioneve të organizatave prestigjoze ndërkombëtare të gazetarëve, si dhe të institucioneve ndërkombëtare që monitorojnë respektimin e lirisë së medias.
Ndaj është koha për të reflektuar dhe për të mos ecur me kokëfortësi në rrugën e censurës dhe autoritarizmit, që do të përbënte rrezik për të ardhmen europiane të Shqipërisë.
Edhe njëherë, i ftoj të gjithë të lexojnë me vëmendje argumentat kushtetuese dhe ligjore të kthimit për rishqyrtim në Kuvend të paketës së ashtuquajtur “anti-shpifje”.
