Lajmi i Fundit/ SPAK heton videon e kokainës/Thirren në prokurori Lefter Alla dhe gazetari Artan Hoxha

Ditën e sotme në prokurorinë e Tiranës ka mbërritur kryebashkiaku i Bulqizës, Lefter Alla, me praninë e avokatit të tij.

Ai ka dhënë deklaratën e tij, në lidhje me videon e publikuar ditën e djeshme nga gazetari Artan Hoxha ku pretendohet se kryetari i bashkisë së Bulqizës, Lefter Alla, shihet duke pirë kokainë.

Burime pranë grupit të hetimit, thonë se Lefter Alla, e ka mohuar këtë gjë para trupit gjykues, duke thënë se është një video-montazh.

Nga informacionet paraprake mësohet, se Prokurori i posaçëm i SPAK, ditën e nesërme do të dërgojë videon pranë institucioneve përkatëse për verifikimin e saj.

Pas daljes nga prokuroria, Alla është rrethuar menjëherë nga gazetarët, ku është pyetur për çështjen në fjalë. Ai ka refuzuar të flasë, duke thënë se këtë gjë do ja lë në dorë drejtësisë.