Forcat e Ndërhyrjes së Shpejtë kanë bërë një aksion në Durrës për arrestimin e disa efektivëve të policisë të cilët akuzohen për shpërdorim detyre.
Aksioni i befasishëm nga FNSH, ka bërë të mundur prangosjen e disa policëve në Durrës e Shijak.
Nga burimet e para mësohet se ShKB në bashkëpunim me prokurorinë e Durrësit kanë nisur një hetim që po finalizohet me procedimin e një numri të lartë efektivësh policie. Sipas burimeve, bëhet fjalë për më shumë se shtatë-tetë efektivë, të cilëvë do tu pritet gjatë orëve në vazhdim flet-arresti.
Mbi ta rëndon akuza për shpërdorim detyre, ndërkohë që FNSH po punon për shoqërimin e tyre.
Ende nuk dihen emrat e policëve të arrestuar, mirëpo informacione të mëtejshme priten në vijim.
