Ditën e sotme, janë publikuar nga Administrata e Presidentit Donald, rregulla të reja për të kufizuar atë që quhet “turizmi i lindjes”, ku gra shtatzënë udhëtojnë drejt SHBA-ve për të lindur fëmijën aty në mënyrë që më pas të marrë shtetësinë amerikane.
Aplikantëve do t’u mohohet viza nëse konstatohet se qëllimi i tyre është që të shkojnë në SHBA për të lindur. Gratë me nevoja mjekësore do të trajtohen si të huajt e tjerë që hyjnë në SHBA për trajtim mjekësor dhe duhet të dëshmojnë se i kanë paratë për të paguar, përfshirë shpenzimet e transportit dhe të jetesës.
Në rregulloren e re thuhet se Departamenti i Shtetit “nuk beson që vizitat në Shtetet e Bashkuara me qëllim kryesor marrjen e nënshtetësisë amerikane për një fëmijë, duke lindur në Shtetet e Bashkuara, janë një veprimtari legjitime për kënaqësi ose e një natyre rekreative”.
Presidenti ka kërcënuar se do t’i japë fund kësaj praktike, mirëpo, këto rregulla shndërrohen në një pengesë të madhe për të provuar se gratë po shkojnë drejt SHBA pasi kanë nevojë mjekësore, dhe jo vetëm për të lindur aty.
Praktika e udhëtimit në SHBA për të lindur fëmijë është në thelb e ligjshme, megjithëse ka raste kur autoritetet arresojnë operatorë të turizmit për mashtrim me viza apo evazion fiskal.
