Ishte arratisur nga burgu, kapet ‘mat’ shqiptari në ditëlindjen e të dashurës (EMRI)

Një shqiptar i arratisur nga burgu është arrestuar nga policia në Itali.

Mësohet se ai është Ervis Markja, i cili u arratis në 26 maj 2018, duke prerë shufrat e qelisë dhe duke zbritur me çarçafë, në mënyrë spektakolare.

Policia e ka kapur “mat” shqiptarin, duke i vënë prangat teksa ai festonte ditëlindjen e të dashurës në një bar.

Ervis Markja u arrestua në janar të 2016 bashkë me dy persona të tjerë, pasi kishin sulmuar një makinë policie kur ishin arratisur.

Më pas ai ra në pranga në Carinola, ku mbi të rëndonte akuza për vjedhje.

26 vjeçari u arratis nga burgu italian Carinola bashkë me Adriatik Gega pas mesnate.

Ndërsa Adriatik Gega u arrestua në 2012 në Benevento, pasi akuzohej se ishte pjesë e një grupi të cilët grabisnin shtëpi.