LIGJET E BIZNESIT
Në një motel në Gjilan, një 72-vjeçar u gjet i vdekur më 8 janar. Ndërkaq, sipas raportimeve të mediave kosovare ai kishte shkuar me një vajzë 30-vjeçare në motel ndërsa kjo e fundit frekuentonte motelet me burra të ndryshë.
Ndërsa 30-vjeçarja, është marrë në pyetje nga Policia dhe ka treguar versionin e saj të vdekjes të të moshuarit që ishte në një dhomë me të. Para hetuesve ajo ka deklaruar së në motel kishin shkruan me dëshirë dhe vullnetin e dy palëve.
“Kemi qenë duke kryer marrëdhënie seksuale në dhomën e hotelit. Por ai në një moment ka ra në dysheme. Unë kur e kam pa ashtu, jam frikësua edhe kam ikë nga moteli. Aty kemi shku dytë me vullnet”, ka deklaruar ajo.
Pyetjes nëse i moshuari në dijeninë e saj kishte pirë ndonjë medikament mjekësore, ajo ishte përgjigjur: Jo, sa unë kam qenë aty, nuk e kam pas nëse ka pirë ndonjë medikament mjekësor ose diçka tjetër…
Në një ngjarje thuajse e ngjashme ndodhi edhe gjatë muajit mars të vitit që shkoi. Por, këtë herë bëhet fjalë për një 74-vjeçar. Ai kishte qenë në njërin nga motelet e Gjilanit me një grua. Kishte qenë vetë shoqëruesja e 74-vjeçarit ajo e cila e kishte lajmëruar policinë për vdekjen e partnerit të saj.
