Ende vijojnë të dalin detaje nga aksidenti tragjik i disa ditëve më parë në Kaliforni, ku u shua legjenda e basketbollit amerikan Kobe Bryant dhe e bija e tij Gianna, vetëm 13 vjeç.
Ata humbën jetën si pasojë e përplasjes së helikopterit me të cilin udhëtonin, bashkë me 7 persona të tjerë në bord, në kodrën e KalabasasLos, Kaliforni.
Shumë pikëpyetje u ngritën pas aksidentit të rëndë ajror, një nga këto edhe për pilotin, pasi si shkak për përplasjen u tha se ishte mjegulla e dendur.
Mësohet se piloti i helikopterit Ara Zobayan, ku udhëtonte Bryant kishte marrë një leje speciale për të flutuaruar dhe në kohën që kishte mjegull të dendur.
Sipas informacioneve ai kishte kërkuar të fluturonte duke u bazuar më shumë te shikimi i syve sesa te instrumentet e mjetit.
Burimet policore thanë se helikopteri u ngrit në ajër në kohën kur flota e policisë ishte e ulur për shkak të kushteve të motit
Një intervistë e publikuar së fundmi zbulon arsyen prekëse përse Bryant udhëtonte pothuajse gjithmonë me helikopter.
Ylli i NBA e tregoi vetë se nuk fluturonte për shkak të famës së tij, por për arsyen se është baba.
Ai dëshironte të fitonte sa më shumë kohë për të qënë afër familjes dhe fëmijëve të tij.
Në intervistë, ai shpjegonte se trafiku nga vendi i stërvitjes drejt shtëpisë po bëhej gjithmonë e më i tmerrshëm.
“Shpesh nuk isha i pranishëm në festat apo ngjarjet e vajzave në shkollë për shkak të trafikut. Po më bëhej problem. Duhej që të gjeja një zgjidhje, edhe të stërvitesha, por edhe të mos kompromentoja kohën që duhet të kaloja me familjen,” tha ai.
Ndërsa me helikopter, sipas tij e gjitha kjo zgjaste për 15 minuta.
