Homazhet për 21 Janarin/ Mungon Rama, ja kush i shoqëron familjarët e viktimave (VIDEO)

Dita e sotme shënon edhe 9-vjetorin e një nga protestave më famëkeqe në historinë e politikës shqiptare.

21 Janari do të mbahet mend gjatë si  tubimi në bulevard që shkaktoi vrasjen e 4 protestuesve përballë kryeministrisë.

Viktimat ishin Ziver Veizi, Hekuran Deda, Faik Myrtaj dhe Aleks Nika.

Ndërkaq sot po zhvillohen edhe homazhet në bulevard, ku ka rënë në sy mungesa e kryeministrit Edi Rama.

Në vend të tij ndodhet Taulant Balla, i cili shfaqet në video dorë për dore me Ana Veizin, njërit prej viktimave, dhe nënën e Hekuran Dedës, i cili po ashtu humbi jetën në këtë protestë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në homazhe gjithashtu kanë marrë pjesë Mimi Kodheli, Belinda Balluku si dhe Blerina Gjylameti.

Pas marshimit-homazh, zyrtarët e qeverisë dhe familjarët janë futur në ambientet e ish-vilës së Enverit, në zonën e ish-Bllokut.