LIGJET E BIZNESIT
Ditën e sotme u zhvilluan votimet në parlamentin grek, ku presidentja e re e Greqisë u emërua Ekaterini Sakellaropulu. Në raundin e parë të zgjedhjeve Sakellaropoulou mori pjesë si kandidatja e vetme dhe siguroi 261 vota nga 294 deputetët që morën pjesë në votim.
Pro gjyqtares Sakellaropulu votuan unanimisht partitë Demokracia e Re, SYRIZA dhe KINAL, madje rezultati do ishte më i lartë pasi pro janë dhe deputeti demokrat, ish-kryeministër Andonis Samaras si dhe dy deputetë të SYRIZA.
Sipas ligjeve greke deputetët nuk mund të përdorin votën “Kundër” në votimin që bëhet në parlament për zgjedhjen e presidentit. Sakellaropoulou mban dy rekorde, është gruaja e parë e zgjedhur në krye të Gjykatës Kushtetuese dhe sot Presidente e parë e Greqisë.
Presidentja e re e Greqisë, Sakellaropoulou ka lindur në vitin 1956 në Selanik. Pas diplomimit në Fakultetin Juridik të Universitetit të Athinës ajo i vazhdoi studimet pasuniversitare në Sorborne të Francës për jurisprudencë kushtetuese dhe administrative.
Në vitin 1982 Sakellaropoulou ishte emëruar si gjyqtare relatuese në Gjykatën e Lartë Administrative të Greqisë (Këshilli i Shtetit) dhe në vitin 2018 ishte bërë kryetare e kësaj gjykate.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sakellaropulu njihet për ndjenjën e lartë të drejtësisë dhe modestinë e saktësinë. Me specializim në çështjet ekologjike dhe të ndryshimit të klimës, është në vijën e parë të çdo inisiative për mbrojtjen e planetit.
