Gjykata pushon çështjen, shpallet i pafajshëm ish-deputeti i Partisë Socialiste

Gjykata e Tiranës ka vendosur sot të shpallë të pafajshëm ish-drejtorin e burgjeve dhe njëkohësisht ish-deputetin e Partisë Socialiste, Arben Çuko.

Kështu, në përfundim të seancës gjyqtari Sokol Toma ka vendosur të pushojë cështjen ku ka shpjeguar se sipas tij Prokuroria nuk ka dërguar asnjë provë  që të faktonte lidhjen e Cukos me korrupsionin në burgje.

Kujtojmë se Arben Çuko u arrestua si rezultat i operacionit të koduar “Vol-Vo4” në tetor të vitit 2018.

Mbi të rëndonte akuza e veprës penale ““Korrupsioni pasiv i funksionarëve të lartë shtetërorë ose i të zgjedhurve vendorë”.

Emri i ti tij doli në përgjimet e grupit Avdylaj.

Çuko akuzohej se në kohën kur ka qenë në krye të Drejtorisë së Burgjeve ka miratuar transferimin e të dënuarit Olsi Karagjozi kundrejt ryshfetit 3.000 euro.

Krimet e Rënda e hetuan Çukon me masen arrest shtëpi e detyrim paraqitjeje deri në rrëzimin e akuzave sot në dhomen penale Tiranë.