LIGJET E BIZNESIT
Blerim Protoduari, 39-vjeçari që mbahej i burgosur në burgun e Beratit, nuk ka arritur të gëzojë festat pasi humbi jetën më 24 dhjetor, ndërsa ngjarja u raportua 4 ditë më vonë.
Por ndryshe nga informacioni zyrtar, të afërmit e Protoduarit ngrenë dyshime. Ata i thanë Gazetës SHQIP se ngjarja u mbajt e fshehtë dhe se nuk ka prova se 39-vjeçari është vetvarur me kabullin e televizorit në qeli. Sipas tyre,
“Ai vuante nga depresioni. E morën në burg për dhunë në familje, por është akuzuar me të padrejtë. Askush nuk na njoftoi për rastin. Pse u mbajt rasti i fshehtë 4 ditë nga policia. Kemi dyshime. Rrobat i kishte të mbuluara me gjak dhe na thanë se gjoja kishte kishte kafshuar gjuhën. Nuk besojmë se ishte vetvarje”, tha njëri nga të afërmit.
Blerim Protoduari kishte rreth 7-muaj që ishte i burgosur për veprën penale “Dhunë në Familje”.
