Policia Rrugore, gjatë fundjavës ka shtuar kontrollet për drejtuesit e mjeteve të cilët nuk zbatojnë rregullat e qarkullimit rrugor.
Ndërkohë, përmes një njoftimi, Policia Rrugore bën të ditur se gjatë natës në segmentin Sauk-Teg në Tiranë, pas kontrollit me radar, janë konstatuar disa drejtues duke shkellur rregullat e qarkullimit. Kështu, sipas kontrollit janë pezulluar 9 leje drejtimi për shpejtësi, 140 km/h deri në 173 Km/orë.
Njoftimi i Policisë:
Vijon kontrolli me Radar për të parandaluar shpejtësinë tej normave të lejuara. Për 200 minuta kontroll me radar duke i monitoruar nga mbikalimi, 9 Leje drejtimi të tërhequra dhe dërguar në OASH, për shpejtësi 140 km/h – 173 Km/orë. Shpejtësi gati dy herë më shumë se tabela, rrezik potencial për aksident
Edhe pse kontrollet me radar janë shumëfishuar jo vetëm në Tiranë por në gjithë rrugët nacionale, pavarësisht se në fundjavë kontrollet janë akoma më të shtuara, fushatat sensibilizuese përditë e më shumë, përsëri ka akoma shumë drejtues mjetesh qe abuzojnë duke përdorur makinën si
Mos shpejtoni se në rastin më të mirë Radari dhe Polici Rrugor ju presin, në rastin më të keq ju pret aksidenti. Viti 2020, viti i sigurisë rrugore, të parandalojmë në maksimum aksidentet me pasojë jetën dhe kjo do arrihet me kontributin e të gjithë, ndaj mos fluturo, ndërgjegjësou dhe zbato rregullat e qarkullimi rrugor. #BASHKËPËrSIGURINËRRUGORE
