E përplasi për vdekje dhe më pas u largua/ Identifikohet i riu nga Shkodra që humbi jetën në Itali (foto)

Një ngjarje e rëndë ka ndodhur në Itali, ku fatkeqësisht humbi jetën një shqiptar. Ai u përplas tragjikisht nga një automjet teksa po kalonte rrugën tek vijat e bardha.

Sipas informacioneve paraprake, 36 vjeçari është gjendur i vdekur mëngjesin e sotëm në rrugën Orbasano. Ngjarja e ndodhur rreth orës 3:30 të mëngjesit të ditës së sotme është raportuar nga disa shoferë që ndodheshin aty pranë. Viktima i cili jetonte në Itali prej vitesh, është identifikuar me emrin Franko Gjinaj.

Policia vijon hetimin e kësaj ngjarje të rëndë dhe sipas burimeve, shoferi i mjetit që ka përplasur shqiptarin është larguar menjëherë nga vendngjarja.

Zona e Torinës, në Itali po kontrollohet nga policia për të bërë të mundur arrestimin e dretjuesit që i mori jetën të riut shqiptarë.