LIGJET E BIZNESIT
Presidenti Ilir Meta ndodhet sot i pranishëm në Izrael, ku ka dekoruar bazën ushtarake të Ramlës, pjesë e Forcave Izraelite të Mbrojtjes.
Kreu i Shtetit i ka dorëzuar kolonelit Golan Vach “Dekoratën e Artë të Shqiponjës” duke vënë në dukje vlerësimin për ushtarët izraelitë.
‘Për vullnetarizmin dhe gatishmërinë e menjëhershme, profesionalizmin e spikatur dhe sakrificat e pakursyera të treguara gjatë operacioneve të kërkimit dhe shpëtimit të viktimave, pas tërmetit të 26 nëntorit 2019’.
Por një detaj ka rënë në sy në fotot që ka publikuar Meta në faqen zyrtare.
Njëri prej ushtarakëve i është fshehur fytyra, ndryshe nga të tjerët.
Presidenti është pyetur edhe nga një komentues se përse ka ndodhur ky veprim, mirëpo ende nuk ka marrë një përgjigje.
Fillimisht dyshohet se ushtaraku është një agjent i shërbimeve sekrete, gjithashtu është interpretuar edhe si një gafë.
Ajo që mund të theksojmë është fakti që mbulimi i fytyrës së një personi ndodh për herë të parë nga institucioni i Presidencës.
Ndërkohë priten sqarime për këtë detaj dyshues dhe të habitshëm.
