Pas zgjedhjes si ministër i Rindërtimit, Arben Ahmetaj u ul sot për herë të parë në karrigen e ministrit në Kuvend. Por, ardhja e Ahmetajt duket se ka gjetur pa përgatitur shërbimet e Kuvendit, pasi nuk kanë shtuar numrin e karrigeve.
Gjatë seancës plenare Sandër Lleshaj është parë të vihej në siklet, pasi për disa momente qëndroi në këmbë në pritje të një karrigeje. Më pas kolegët e tij ministra i kanë hapur vendin dhe shërbimet i kanë sjell një karrige.
Ajo që ra në sy ishte madhësia e karriges, pasi siç shihet dhe nga foto e LSA është më e vogël se të tjerat. Lleshaj edhe pse i sollën një karrige të ndryshme nga kolegët vendosi të ulej dhe të dëgjonte deputetët e të votonte vendimet e rendit të ditës.
