Dyshohet se abuzoi me 14-vjeçaren me aftësi të kufizuara, gjykata lë në burg 60-vjeçarin

Së fundmi një ngjarje e rëndë në Lezhë ka tronditur opinionin publik ku një 60 vjeçar akuzohet se ka ngacmuar seksualisht dhe të ketë kryer edhe marrëdhënie me një vajzë të mitur me aftësi të kufizuara.

Trupi gjykues në Lezhë e ka lënë në burg 60-vjeçarin me iniciale V.N. Gjykata e lezhës ka vendosur që seancën gjyqësore ta zhvillojë me dyer të mbyllura. Mësohet se i moshuari i ka mohuar akuzat e ngritura ndaj tij.

Ende nuk është faktuar nëse ka abuzuar seksualisht me 14-vjeçaren,por në bazë të provave të paraqitura nga prokurori Erjon Shehaj, gjykata e vlerësoi të ligjshëm arrestimin e tij dhe vendosi masën e sigurisë burg pa afat.

60 vjeçari u arrestua të shtunën nga policia e Lezhës, pas informacioneve të marra në lidhje me rastin në fjalë.