Drogë në makinë/ Në pranga 24-vjeçari shqiptar dhe shoferja greke

Mesditën e sotme, dy persona janë vënë në pranga nga policia në Kostur. Sipas informacioneve, mësohet se në pranga janë vënë një 24-vjeçar shqiptar dhe një greke 36-vjeçare.

Sipas informacioneve paraprake, gjatë një kontrolli në automjet, të arrestuarit u kapën me 26 kg marjuanë të fshehura në dy çanta.

Në cilësinë e provës materiale u sekuestruan gjithashtu 2 celularë dhe dy karta SIM. Identitetet e të arrestuarve ende nuk janë bërë publike nga autoritetet fqinje.