Një njoftim i rëndësishëm vjen për të gjithë ata që do të udhëtojnë së shpejti drejt Italisë.
Mësohet se në datën 14 janar, do të anulohen dy fluturime të Alitalias: nga Rinasi drejt Italisë.
Lajmin e jep Autoriteti i Aviacionit Civil, i cili sqaron se shkak është bërë greva e lajmëruar e kontrollorëve të trafikut ajror në Itali.
‘Autoriteti i Aviacionit Civil njofton të gjithë pasagjerët që do të udhëtojnë drejt Italisë se për shkak të një greve të lajmëruar të kontrollorëve të trafikut ajror në datë 14/01/2020, ora 13:00 me 17:00, do të anulohen fluturimet e Alitalias si më poshtë:
AZ 584 Romë-Tiranë 13:30 AZ 583 Tiranë-Romë 15:45.
Të gjithë pasagjerët që do të fluturojnë drejt Italisë atë ditë, para nisjes në aeroport, këshillohen të informohen pranë kompanisë për statusin e fluturimit të tyre’, thuhet në njoftimin e Autoritetit të Aviacionit Civil.
