Detaje të reja nga vrasja e Kastriot Reçit, ja çfarë gjeti policia në tarracën e një pallati

Ndërkohë që vijon puna për zbardhjen e plotë të vrasjes së ish-pronarit të televizionit Kastriot Reçi mesditën e sotme në Rrëshen, kanë dalë detaje të reja.

Mësohet se është policia e Mirditës ajo që ka gjetur dhe sekuestruar një snajper në tarracën e një pallati në Rrëshen.

Dyshohet se kjo është arma më të cilën autorët ende të paidentifikuar ekzekutuan sot biznesmenin Kastriot Reçi.

Policia e Shtetit ka publikuar më herët edhe një informacion paraprak në lidhje me ngjarjen e rëndë.

“Në rrethana ende të paqarta është vrarë me armë zjarri shtetasi K.R., 47 vjeç”, thuhet ne njoftimin e policise.

“Grupi hetimor po punon për zbardhjen e rrethanave të ngjarjes me qëllim identifikimin dhe kapjen e autorit/eve.

Shërbimet e Policisë të D.V.P. Lezhë, të Komisariatit të Policisë Mirditë, po krehin zonën si dhe janë ngritur pika kontrolli për kapjen e autorit/eve”, thuhej në njoftimin e policisë.