Detaje të reja/ Ja kush ështe çifti i bashkëshortëve që u plagosën me armë në Allias

Të shtëna me armë zjarri u dëgjuan mbrëmjen e sotme në kryeqytet, në zonën e Alliasit në Tiranë. Mësohet se burrë e grua janë plagosur me armë zjarri në lagjen Allias në kryeqytet. Ata ndodheshin brenda banesës së tyre, kur disa persona kanë hyrë për të grabitur para në shtëpinë e tyre.

Çifti i bashkëshortëve janë Petrit dhe Afërdita Laze, prindër të dy fëmijëve, janë pronarë të një furre buke në Allias e një tjetre në Astir. Teksa tentuan të mbronin pronën e tyre nga grabitësit, janë përleshur dhe grabitësit i kanë qëlluar me armë zjarri. Autorët e krimit janë larguar nga vendngjarja bashkë me shumën e parave. Ngjarja ka ndodhur në vilën e tyre, në rrugën “Njazi Meka“.

Nga informacionet paraprake, mësohet se gjendja e të plagosurve është e rëndë, pasi burri, i cili mësohet se është rreth 60 vjeç, ka marrë një plagë të rëndë në zonën e barkut.

Policia e Shtetit dhe ekipe të repartit “Shqiponja“ kanë ngritur pika të shumta kontrolli, për të kapur autorët. Ata kanë sekuestruar kamerat e sigurisë për të bërë të mundur identifikimin e grabitësve

Informacion paraprak nga Policia:

Rreth orës 21:40 në rrugën “Njazi Meka”, në rrethana ende të paqarta janë plagosur me armë zjarri çifti i bashkëshortëve shtetasit P. L dhe A.L, të cilët u dërguan në spital për ndihmë mjeksore.

Grupi hetimor vijon punën pēr sqarimin e mëtejshëm të rrethanave të ngjarjes