Detaje nga ngjarja e rëndë në Librazhd/ Si e dhunuan maskat dhe i prenë flokët gruas shtatzënë

Detaje të reja kanë dalë nga ngjarja e rëndë që ndodhi në fshatin Marinaj të Librazhdit.

Mësohet se një grua shtatzënë, që ka dhe dy fëmijë të tjerë, është dhunuar në banesë nga persona të panjohur e të maskuar.

Fillimisht ata kanë hyrë, në kohën që bashkëshorti i saj nuk ndodhej në shtëpi pasi ishte në punë.

Personat kanë nisur ta dhunojnë gruan, e cila identifikohet si Jetmira Gega, madje i kanë prerë dhe flokët.

E ndodhur në gjendje të rëndë psikologjike, pasi e gjithë skena u pa dhe nga fëmijët, e dhunuara ka telefonuar policinë, dhe më pas e kanë transportuar për në spital, nga ku ka marrë dhe ndihmën e nevojshme mjekësore.