LIGJET E BIZNESIT
Mbrëmjen e djeshme një nga temat më të përfolura në studio ishte dhe ajo e pengmarrjes së Jan Prengës në Kamzë më 17 janar.
Në programin “Opinion” u diskutua gjithashtu edhe lidhja e grupeve të krimit dhe politikanëve.
Këtë herë drejtuesi Blendi Fevziu rrëfeu në studio një rast në lidhje me një investigim të emisionit “STOP”.
Ndër të tjera ai tregoi se ky emision kishte zbuluar një rast ku shpërndaheshin lëndë narkotike nëpër lokalet e natës, të një rrjeti të madh në Tiranë.
Fevziu deklaroi se këtë shqetësim ia kishte shprehur dhe ministrit të Brendshëm në atë kohë për të marrë masat e duhura.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Më pas policia ndërmori aksionin duke vënë në pranga shumë persona.
Por më pas Fevziu zbuloi se deputetët i kishin dërguar mesazh kryeministrit dhe ministrit të Brendshëm duke kërkuar lirimin e pronarëve të lokaleve.
“Emisioni Stop ndërsa bënte një investigim për shpërndarjen e drogës, ra në shpërndarje të frikshme në lokalet e natës në Tiranë. Para se ta çonin këtë gjë, personalisht kam folur me ministrin e Brendshëm duke menduar që kemi fëmijë, dhe i kam thënë është problem serioz. Premtoi që do merrej. Rezultoi që u mor disa muaj më pas, se kërkonte një periudhë kohe. Ndaluan disa persona, kapën lokale të përshtatura për kokainë. Dhe ministri i Brendshëm dhe Kryeministri kishin marrë 40 mesazhe të nesërmen, gjysma nga deputetë dhe nga politikanë që thonin ‘pse i bini në qafë këtyre të shkretërve’. Kështu pra është problemi. Dolën ata të gjithë”, -përfundoi ai.
