LIGJET E BIZNESIT
Erdet Capoku, autori i vrasjes së kunatës së tij Enkeleda Çapoku në Paskuqan të Tiranës tre ditë më parë, ka dalë sot përpara Gjykatës së Tiranës.
Si masë sigurie gjykatësi Llazar Sallaku ka pranuar kërkesën e prokurorisë, duke dhënë kështu “arrest me burg” për 34-vjeçarin.
Ndërkohë është zbardhur edhe dëshmia e tij në sallën e gjyqit.
Unë nuk mbaj mend në lidhje me ngjarjen që kam kryer. Unë kam investuar për kunatën dhe mbesën por ato nuk më kanë mbështetur. Nuk jam në gjendje të rikujtoj hap pas hapi ccfarë ka ndodhur’, mësohet të ketë thënë Çapoku në seancë.
Çapoku është braktisur dhe nga familjarët e tij, të cilët kanë zgjedhur të mos jenë të pranishëm në seancën e sotme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Erdet Çapoku e ka pranuar vrasjen e kunatës së tij Enkeleda Çapoku, ndaj të cilës kohë më parë kishte pasur dhe një urdhër mbrojtjeje.
Kujtojmë se krimi i rëndë ndodhi përpara tre ditësh, ku 34-vjeçari ka shkuar në banesën e kunatës dhe pasi ka hapur derën me forcë, ka hyrë në dhomën e kunatës dhe ka kryer vrasjen makabër.
Fillimisht Erdeti ka goditur nënën e viktimës, e cila flinte me një dhomë me të bijën dhe më pas i është drejtuar Enkelejdës duke e goditur me levë, dhe më pas me thikë në fytyrë hundë dhe damarët e dorës.
Fatkeqësisht e reja, nënë e një vajze, nuk i ka rezistuar plagëve të marra dhe ka ndërruar jetë përpara se të mbërrinte në spital.
Forcat e policisë arrestuan Erdet Çapokun vetëm disa orë pas ngjarjes, i cili ndodhej në zonën e njohur si “Kupola” në Laprakë duke lëvizur me biçikletë.
