Një ngjarje e rëndë ka ndodhur mbrëmjen e djeshme në Nuovo Salario të Romës.
Një 45-vjeçar shqiptar, i identifikuar tashmë si Gentian Kasa, është qëlluar me një plumb në kokë dhe në gjoks, në momentin që sapo është ndarë me familjen.
Kasa mbeti i vdekur në vend nga goditjet fatale, që ndodhën shumë afër banesës.
Ai sapo kishte marrë leje nga burgu për të vizituar familjen, por është ekzekutuar rrugës për në burg.
Vrasësi e ka pritur pikërisht poshtë shtëpisë, dhe sapo viktima është ndarë prej familjarëve, e ka lënë të vdekur me një ekzekutim mafioz.
I pari që ka parë skenën tragjike është vëllai i viktimës shumë pak minuta pasi ndodhi ngjarja e rëndë.
Mediat italiane shkruajnë se ai ka nisur të ulërasë dhe bërtasë në dhimbje.
Deri më tani pista kryesore e hetimeve është ajo e larjes së hesapeve, pasi vrasja ka ndodhur në një zonë të njohur për trafikantët e lëndve narkotike (Tufello dhe San Basilio).
