Dalin pamjet/ Rama takon Angela Merkel, ja si e priti kancelarja gjermane (VIDEO)

Kryeministri Edi Rama ka takuar ditën e sotme kancelaren gjermane Angela Merkel.

Në fokus do të jetë Programi i Rindërtimit, pas tërmetit që goditi Shqipërinë mëngjesin e 26 nëntorit.

Ndërkohë kanë dalë dhe pamjet e para nga takimi, ku Merkel ka dalë për të pritur Ramën, në një tapet të kuq.

Video është publikuar nga vetë kryeministri, ku duket që kancelarja i uron mirëseardhjen dhe bashkë bëjnë dhe fotografi.

Të pranishëm aty ndodhen dhe kreu i grupit të Partisë Socialiste Taulant Balla, ministri i Rindërtimit Arben Ahmetaj, dhe këshilltari në kryeministri për mediat Endri Fuga, të cilët e kanë takuar Merkelin një e nga një.

Më pas, dy liderat pritet të mbajnë dhe një konferencë të përbashkët për shtyp.