Çfarë ndodhi mbrëmë në Tiranë? Policia ndëshkon 17 shoferë (VIDEO)

Policia Rrugore ka monitoruar mbrëmjen e djeshme akset Sauk-Teg dhe Durrës-Tiranë.

Si pasojë e këtij aksioni blutë kanë pezulluar 17 leje drejtimi për shkak të shpejtësisë që varionte nga 138 në 170 km/h.

“Monitorim i rrugëve me Radar e Drager në orët e vona të mbrëmjes dhe orët e para të mëngjesit për rritjen e parametrave të sigurisë në fundjavë.

Për 5 orë monitorim me Radar, u pezulluan 17 Leje Drejtimi për shpejtësi që varionte nga 138 deri në 170 km/h”, thuhet në njoftimin e policisë.

Në fund policia ka dhe një apel për të gjithë drejtuesit që të respektojnë rregullat e qarkullimit rrugor.

“Mos shpejto të arrish aksidentin, shpejtësia aeroplan vret jetën.

Mos abuzoni me shpejtësinë dhe alkoolin se në rastin më të mirë ju pret polici në rrugë”.