Policia e Shtetit e ka nisur vitin 2020 duke ndërmarrë masa të rrepta dhe ekstreme.

Mësohet se ditën e hënë Drejtori i Përgjithshëm i Policisë së Shtetit Ardi Veliu ka mbledhur në një takim në drejtorinë e Tiranës drejtuesit, shefat e krimeve, rendit dhe sektorë të tjerë.

Fokus i këtij takimi kanë qenë ngjarjet e fundit kriminale dhe analiza mbi atë që është bërë deri tani.

Sipas informacioneve mësohet se Veliu ka dhënë dy urdhëra të prerë.

I pari është heqja e telefonave nga efektivët e policisë gjatë shërbimit për të shmangur rrjedhjen e informacionit apo dekonspirimet.

Ky urdhër shpreh se disa kategori të strukturave të policisë, përfshirë ata që janë në terren nuk duhet të mbajnë telefonat me vete, por ti dorëzojnë përpara se të nisin shërbimin, ndërsa komunikimi do të bëhet vetëm me radion e policisë.

Ndëra urdhëri i dytë ka lidhje me agjentët e policisë, ku Ardi Veliu ka kërkuar që të përpilojnë në fund të ditës një procesverbal mbi rutinën dhe kontrollet që kanë ushtruar apo kë kanë takuar gjajtë ditës.

Këto dy urdhëra të rreptë vinë disa ditë pas atij të ministrit të Brendshëm Sandër Lleshaj, i cili pas vrasjes së biznesmenit Kastriot Reci në Rrëshen,  u kërkoi drejtuesve të policisë që të ruajnë sekretin hetimor, pasi ka pasur rrjedhje të informacioneve. Ai kërkoi që asgjë të mos dalë në media.