Forcat Speciale RENEA dhe efektivët e Policisë së Vlorës po kryejnë aksion në lagjen ’10 korriku’
Nga informacionet paraprake, mësohet se kontrolle intensive po kryhen nga Forcat Speciale në zonë për kapjen e personave me precedentë penal dhe të shpallur në kërkim për vepra të rënda penale. Ende nuk dihen detaje se kush është i shumëkërkuari ndaj të cilit është vënë në ndjekje RENEA dhe FNSH-të.
Mësohet gjithashtu se edhe në disa zona të tjera të Vlorës janë zhvilluar kontrolle të befasishme që prej arrestimit të 47 vjeçarit Xhevahir Jonuzi, i dënuar me 25 vite burg për 2 vrasje. Ky shtetas i shpallur në kërkim dhe i dënuar me 25 vite për “Vrasje me paramendim”, hapi zjarr ndaj efektivëve që shkuan për ta arrestuar.
