Një aksident i rëndë ka ndodhur mëngjesin e sotëm në Tiranë.
Ngjarja është shënuar në zonën e Kombinatit.
Mësohet se një automjet ka përplasur një këmbësore me iniciale Th.M 64 vjeç, e cila është dërguar në spital dhe ndodhet në gjendje të rëndë.
Policia ka mbërritur në vendngjarje dhe po heton për zbardhjen e plotë të rrethanave dhe shkaqeve të aksidentit.
NJOFTIMI ZYRTAR I POLICISE
Tiranë / Informacion paraprak
Sot , më datë 23.01.2020, rreth orës 10:10, në rrugën e “ Qelqit”, në Kombinat, mjeti me drejtues shtetasin SH.H, ka aksidentuar këmbësoren, TH.M, 64 vjeçe , e cila u dërgua menjëherë në spital dhe ndodhet në kujdesin e mjekeve.
Shërbimet e Policisë Rrugore dhe grupi hetimor ndodhen në vendngjarje dhe po punojnë për sqarimin e rrethanave të ngjarjes dhe përcaktimin e shkakut të aksidentit.
