LIGJET E BIZNESIT
Koronavirusi në Kinë, i cili deri tani ka shkaktuar 26 viktima në Kinë, ka ngritur alarmin nëse edhe vendet e tjera janë të rrezikuara.
Deri tani autoritetet kineze kanë marrë masa duke vendosur një bllokadë në transportin publik në 10 qytete të vendit.
Por sa rrezikohet Shqipëria nga ky virus?
Ministria e Shëndetësisë dhe Mbrojtjes sociale, ka njoftuar për të gjithë opinionin publik u shprehet se vendi ynë nuk preket nga koronavirusi i ri i identifikuar në Wuhan, Kinë.
Megjithëse OBSH nuk ka përcjellë të dhëna të sakta nëse virusi mund të transmetohet nga njeriu tek njeriu, ministrja Ogerta Manastirliu ka bërë apel që të merren masat paraprake për t’u mbrojtur nga depërtimi i koronavirusit të ri, që po alarmon Kinën.
Në urdhërin e dhënë, nga Ministria e Shëndetësisë, ISHP duhet të përforcojë survejancën e infeksioneve të rënda respiratore akute në bashkëpunim me të gjitha spitalet e vendit.
“Ministria e Shëndetësisë dhe Mbrojtjes Sociale sqaron opinionin publik se Shqipëria është vend me rrezikshmëri të ulët për t’u prekur nga koronavirusi i ri i i identifkuar në Ëuhan, Kinë. Megjithatë, në zbatim të rekomandimeve të OBSh-së, Ministrja e Shëndetësisë dhe Mbrojtjes Sociale Ogerta Manastirliu ka nxjerrë një urdhër për marrjen e masave parapërgatitore, për t’u mbrojtur nga depërtimi i koronavirusit të ri, edhe pse duhet theksuar se, sipas OBSH jemi kushtet kur ende nuk ka të dhëna të qarta mbi mënyrën e trasnmetimit nga njeriu tek njeriu.
Sipas urdhrit të Ministrisë së Shëndetësisë, ISHP duhet të përforcojë survejancën e infeksioneve të rënda respiratore akute në bashkëpunim me të gjitha spitalet e vendit. Urdhri specifikon që ISHP të përgatisë përkufizimin e rastit, udhëzimet për survejancën, hetimin epidemiologjik dhe menaxhimin e rasteve në përputhje me Rregulloren Ndërkombëtare të Shëndetit. Sipas urdhrit të Ministres Manastirliu strukturat përgjegjëse të marrin masat për vënien në zbatim të planeve të emergjencës për reagimin ndaj infeksioneve virale, sipas shkallës së rrezikshmërisë”, thuhet në njoftimin e Ministrisë së Shëndetësisë.
