A ka një marrëveshje me Ramën për zgjedhje të parakohshme? Kryemadhi ngre dyshime: Kemi një takim..

Kryetarja e Lëvizjes Socialiste për Integrim Monika Kryemadhi ka zhvilluar sot një bashkëbisedim me gazetarët ku u shpreh se miratimi i Reformës Zgjedhore është detyrë e opozitës dhe është e përcaktuar në 9 kushtet e Bundestagut.

Kryemadhi është pyetur se nëse ka një marrëveshje për zgjedhje të parakohshme me qeverinë, qoftë kjo dhe e pashkruar, duke u nisur nga pakti për Reformën Zgjedhore.

Ajo është përgjigjur se sot pasdite do të kenë një takim me Komisionerin për Zgjerim, Oliver Varhelyi.

“Do kemi një takim me komisionerin për zgjerimin gjatë pasdites. Në 9 kushtet e Bundestagut, pika që ka detyrim opozita është miratimi i reformës zgjedhore, implementi është detyre e mazhorancës. Pikat e tjera kanë lidhje me mazhorancën, se lidhur me krimet zgjedhore opozita s’ka ndonjë polici të pavarur që ti arrestojë, këto janë detyrë e mazhorancës”, deklaroi numri 1 i LSI gjatë fjalës së saj.