9 vite më pas/ Meta flet për 21 Janarin: Politika përdori dhunën për të arritur qëllimet e veta

Sot shënon data 21 Janar, 9 vite nga protesta famëkeqe me 4 të vrarë në bulevardin “Dëshmorët e Kombit” në Tiranë, ka folur edhe presidenti Ilir Meta.

Ngjarja e rëndë ndodhi në kohën që Meta ishte zv.kryeministër, dhe protesta u thirr nga opozita e atëhershme (PS) pas publikimit të një videoje ku ai ishte i përfshirë.

Ndërkaq, 9 vite më vonë Kreu i Shtetit thotë se ishte politika ajo që përdori dhunën për të arritur objektivat e saj në mënyrë të pandershme.

“Ai 21 janar na kujton se politika ka përdorur dhunën për të arritur objektivat politike në mënyrë të pandershme. Kjo na tregon se sa e rëndë është situata kur instrumentalizohen qytetarët për qëllime të tilla. Na kujton se duhet të heqim dorë nga dhuna për të arritur qëllime politike”, deklaroi Meta gjatë intervistës në Abc News.