LIGJET E BIZNESIT
Mëngjesin e sotëm ka nisur aksioni për shembjen e objekteve të dëmtuara nga tërmeti në Durrës.
Ky aksion është përqëndruar në zonën e plazhit, konkretisht në hotelin “Mira Mare”.
Kjo ndërtesë 4-katëshe është shkatërruar pothuajse plotësisht nga tërmeti dhe rrezikon gjithashtu banesat të cilat ndodhen afër.
Në vendngjarje ndodhen fadromat dhe punonjësit.
Kujtojmë se më herët u shemben ndërtesat e dëmtuara dhe në zonën e Thumanës.
Teksa operacioni i kërkimit të trupave të pajetë tashmë ka përfunduar, vijon puna në terren për pastrimin e zonave të goditura nga tërmeti shkatërrimtar ku gjetën vdekjen 51 persona dhe u plagosën mbi 900 të tjerë.
