“Turp, turp, Kosova është zemra e Shqipërisë”, qytetarët shpërthejnë në thirrje ndaj Vuçiç

Ka agravuar protesta që është duke u zhvilluar paraditen e sotme në Tiranë, ku dhjetra aktivistë kundërshtojnë takimin e Minishengenit mes Edi Ramës dhe Aleksandër Vuçiçit.

Kur pranë Hotel Rogner ka mbërritur makina e Vuçiçit, aktivistët kanë shpërthyer në thirrje “turp, turp”, “Kosova është zemra e Shqipërisë”.

Kujtojmë që presidenti Vuçiç mbërriti në Tiranë mbrëmjen e djeshme e ndërsa sot përpara se të pritej nga thirrjet e aktivistëve, vizitoi qytetin e Durrësit, të prekur nga tërmeti.