Tjetër aksident i rëndë/ Përplasen 2 makina, humb jetën fëmija 5-vjeç

Një tjetër aksident i rëndë automobilistik ka ndodhur orët e para të mëngjesit të sotëm.

Mësohet se në aksin rrugor Elbasan-Peqin një mjet tip “Fiat” me drejtuese K.L 51 vjeç, banuese në Peqin është përplasur me mjetin tip “Volksëagen” me drejtues H.S, 67 vjeç banues në Elbasan.

Si pasojë e goditjes fatale është plagosur pasagjeri i “Fiatit” , i mituri L.S, 5 vjeç, banues në Peqin, i cili më pas ka ndërruar jetë gjatë kohës që po transportohej rrugës për në spital.

Policia dhe grupi hetimor kanë mbërritur në vendngjarje dhe po hetojnë për zbardhjen e shkaqeve dhe rrethanave të aksidentit.