Tërmeti shkatërron lagjen 17 në Durrës, banorët: Nuk kemi bukë të hamë

Tërmeti i 26 nëntorit që tronditi Durrësin dhe vendin ka lënë pas qindra ndërtesa të shkatërruara. Më problematike situata paraqitet në lagjen 17 të qytetit duke pasur shumë pasoja.Shumë pallate janë shkatërruar, ndërsa banorët kanë ikur prej andej.

Disa prej banorëve të paktë që kanë mbetur shprehen se pallatet thuajse janë boshatisur, pasi njerëzit janë larguar. Ndërsa, banorët janë duke pritur ekspertët për të bërë vlerësimet.

“Gjendja brenda është katastrofë. Nuk ka mur që nuk është plasaritur. Ka 50 hyrje, aktualisht nuk ka asnjë banor, të gjithë po ngrenë rrobat dhe kanë ikur, dikush fle nëpër makina etj. Këtu është pasuria jonë. Deri në këtë minutë askush nga shteti nuk ka shkelur, nga shkallët deri këtu”, tha një banor.

Një tjetër banor shprehet se është me 5 fëmijë jashtë e nuk kanë as bukë të hanë.

“Askush nuk është interesuar. Jemi jashtë. Jam me 5 fëmijë dhe kemi mbetur rrugëve. A ka shtet a nuk ka. Kemi mbetur pa bukë”, deklaroi banori.

Burimi: BallkanWeb